Gazetari Blendi Fevziu, drejtues i emisionit “Opinion” dhe portalit “Opinion.al” ka shkuar të shohë nga afër protestën e studentëve përpara Ministrisë së Arsimit. Siç shihet në pamje një grup studentësh janë mbledhur rreth tij dhe po e informojnë mbi kërkesat që ata kanë.
Studentët kane faturat në dorë, ku i tregojnë Fevziut gjithë tarifat e shtrenjta që rendojne mbi ta per të mësuar ne universitetet shtetërore.
Protesta e studentëve nisi fillimisht ditën e martë tek Inxhinieria e Ndërtimit. Dje u bashkuan edhe studentë të fakulteteve të tjera, ndërsa sot protesta ishte masive. Në protestën e sotme morën pjesë studente të Mjekësisë, Drejtësisë, Shkencave Sociale, Shkencave të Natyrës, të gjitha degët e Inxhinierive si dhe Universitetit Bujqësor. Po kështu u protestua edhe ne rrethe, si Elbasan, Korce e Durrës.
