Një video e presidentit amerikan, Joe Biden, është bërë virale në rrjetet sociale.
Teksa mbante një fjalim, në Samitin Kombëtar të Komuniteteve më të Sigurta në Universitetin e Hartfordit të premten pasdite, Biden shkaktoi jo pak konfuzion.
Pasi foli me grupin e mbrojtësve të sigurisë së armëve dhe të mbijetuarve të dhunës me armë për rreth 30 minuta në Teatrin Lincoln në kampus, presidenti përfundoi fjalimin e tij me frazën: “Në rregull? Zoti e ruaj Mbretëreshën, burrë”. (God Save dhe Queen).
Kjo është një shprehje e patriotizmit dhe shpresës për jetën e gjatë të monarkes, veçanërisht në praninë e saj që përdoret në Mbretërinë e Bashkuar, Australi, Kanada dhe Zelandën e Re.
Videot e deklaratës së pazakontë të presidentit amerikan filluan të qarkullojnë shpejt në internet, me përdoruesit e mediave sociale që pyesnin se çfarë donte të thoshte.
Zëvendës-sekretarja kryesore e shtypit e Shtëpisë së Bardhë, Olivia Dalton, më vonë iu përgjigj gazetarëve duke thënë se presidenti “po i komentonte dikujt në turmë”./Opinion.al
