“Futbollistët më lanë pa u martuar”, ka qenë titulli që ka qarkulluar nëpër mediat online, lidhur me një deklaratë të bërë në një intervistë nga prezantuesja Ilda Bejleri.
Pasi lajmi ka bërë xhiron e rrjetit, kjo e fundit ka reaguar për të sqaruar gjithçka nëpërmjet një videoje në profilin e saj në Instagram.
Nga video kuptojmë se bëhet fjalë për një keqkuptim, dhe se Ilda asnjëherë nuk ka thënë konkretisht që futbollistët e kanë lënë pa u martuar. Ajo e ka pasur fjalën për punën e saj në Supersport, e cila është punë në fundjavë dhe kështu nuk ka shumë kohë për të njohur dikë.
