Fotot nudo duket se po gjejnë vend edhe në realitetin shqiptar. Në një intervistë për Ekspress Rozë dy fotografët, Veton Osmani dhe Artan Korenica tregojnë se cilët personazhe preferojnë të bëjnë foto të tilla.
“Të bësh foto nudo duhet të jesh njëkohësisht dhe shumë i guximshëm, sepse ekziston një kufi ku mund të kalosh në foto jo nudo, por të tjera më keq se nudo”, thotë fotografi Veton Osmani duke shtuar se për shqiptarët janë thyer tashmë tabutë për foto të tilla.
“Janë artistët ata që bëjnë hapin e parë dhe modelet, por ka patur raste që kanë qenë edhe njerëz të thjeshtë, ata që kanë preferuar të bëjnë foto të tilla”, ka thënë Osmani.
Fotografi Artan Korenica. i cili ka punuar me fotografin Fadil Berisha, tregon se është shumë e rëndësishme të dish ti fotografosh personazhet nudo.
“Kohët e fundit kam bërë shumë foto me bikini, por ajo që është e rëndësishme është duhet të ndash bukurinë dhe të qënurit seksi, nga fotot porno”, thotë Korenica.
