Video/ Forcat Speciale rrethojnë protestuesit, situatë e paprecedentë në turin e Ramës

Sa vjen dhe po përshkallëzohet gjithmonë e më shumë përplasja e protestuesve me policinë në atë që Rama e quan turi i llogaridhënies. Sot kryeministri i vendit ishte në Lushnjë, por nuk kishte ndodhur më herët në turet e tij që krahas Policisë së Shtetit të ishin të pranishëm edhe Forcat e Ndërhyrjes së Shpejtë. Siç shikohet edhe në videon e siguruar nga Opinion, krahas efektivëve të Policisë dallohen qartë edhe struktura të tjera më të specializuara të ruajtjes së rendit, ndërkohë që duhet thënë se protestat deri më tani ndaj Ramës, që duhet të jenë të natyrshme në një vend demokratik, kanë qenë paqësore dhe janë shoqëruar pa incidente nga ana e protestuesve të cilët thjesht kanë lëshuar thirrje dhe kanë mbajtur në duar pankarta.