“The guardian” ka publikuar videon e një 39-vjeçareje britanike, e cila ndodhet në spital pasi është prekur nga koronavirusi. Me një kollë të vazhdueshme dhe e intubuar nga hundët, si e vetmja mënyrë për të marrë frymë, 39-vjeçarja tregon se aktualisht është 10 herë më mirë nga sa ka qenë më parë, ndërsa prej ditësh nuk ka mundur të takojë vajzat e saj.
Duke e konsideruar sëmundjen të rëndë, ajo u bën thirrje të gjithëve, të mos ndërmarrin rreziqe, të lënë duhanin e të jenë të kujdesshëm.
Videoja është publikuar nga Kryeministri Rama, e titruar në shqip, ndërsa Rama e shoqëron videon me shënimin:
- 39 vjeç
- Në Londër
- Shikojeni dhe dilni xhiro nesër se do jetë kohë e bukur.
Aurtoritetet në mënyrë të vazhdueshme po u bëjnë thirrje qytetarëve të qëndrojnë në shtëpi, ndërsa pritet që gjatë dy javëve të ardhshme, epidemia të shënojë rritje maksimale. Kujtojmë se gjatë fundjavës në qytet do të jenë të mbyllur të gjitha aktivitetet, përfshirë edhe marketet e farmacitë./Opinion.al
