Akuza të rënda ka hedhur deputeti demokrat Flamur Noka, gjatë fjalës së tij në seancën plenare në Kuvend. Ai iu drejtua Nikollës duke i thënë se do mbahet mënd si spikerja e parlamentit me turp.
Teksa u ndal te protesta që po zhvillohet jashtë dyerve të Kuvendit, Noka tha se pikërisht jashtë Kuvendit fjala ka peshë.
Debati
Noka: Nga sot e në vazhdim ju mund të përdhunoni këtë parlament. Atje jashtë ka njerëz të lirë. Aty fjala ka peshë, ndërsa këtu vetëm një fjalë ka peshë, karton për të vjedhur. Këtë sallë po e shndërroni në një sallë skllevërish. Ju do të hyni në histori si spikerja e parlamentit me turp. Këtu në 30 vite ka patur plumba po kurrë fjala s’është ndaluar. Në 30 vite demokraci.
Nikolla: Shpifje të rënda.
Ndërkaq Noka fishkëllen me bilbil në sallë.
Nikolla: Të tërheq vëmendjen. Uluni në vend.
