Këto janë pamjet që vijnë nga vendi i ngjarjes në Kurbin, ku një ekonomist u vra në një firmë inertesh dhe u plagos pronari i tij.
Ngjarja ndodhi në Gurëz të Kurbinit rreth orës 07:00 të mëngjesit të sotëm.
Mjete të shumta policie ndodhen në vendin e ngjarjes, ndërkohë që po hetohet për zbardhjen e motiveve. Dyshohet se autorët e krimit kanë qëlluar nga jashtë rrethimit të firmës së inerteve.
Ekonomisti Selman Mihana ishte në zyrën që ndodhet pranë oborrit të firmës së inerteve bashkë me pronarin Ardian Gjeloshi kur nga jashtë godinës nisën të qëllonin me automatik. Për pasojë nga plumbat u vra i moshuari, dhe u plagos pronari i tij, Ardian Gjeloshi.
Dyshohet se shënjestra e sulmit ka qenë pronari i firmës.
