Skënderbeu luan sot në Çeki ndeshjen e parë të turit të tretë kualifikues ndaj skuadrës së Mllada Boleslav. Pasi kaluan Sant Hulian dhe Kairat Almatin, korçarët synojnë një tjetër triumf ndaj kundërshtarit të radhës, këtë herë për të synuar arritjen e fazës së “play off”-it, hapi i fundit para futjes në grupe.
Trajneri Ilir Daja duhet të bëjë pa shërbimet e Sabien Lilajt, i cili u ndëshkua me karton të kuq në ndeshjen e kthimit ndaj kazakëve të Kairatit, si dhe pa sulmuesin malazez Goran Vujoviç, i cili është i dëmtuar. Edhe Xhejms do ta nisë nga stoli këtë takim pas disa shqetësimeve fizike dhe vonesës së pajisjes me vizë.
Komenti minutë pas minute
42′ Mllada Boleslav kalon në avantazh. Mici gabon me largimin
e topit brenda zonës, duke i dhënë një mundësi të artë
Shramostës i cili i vetëm përballë Shehit ka realizuar pa
vështirësi një penallti në lëvizje.
33′ Lojë e qetë gjatë këtyre minutave teksa mungojnë rastet e
rrezikshme për gol.
21′ Rada tenton me një goditje nga jashtë zonës, por topi ndalet në
traversë. Latifi më pas bën një kundërsulm të rrezikshëm individual,
por pengohet në hyrje të zonës dhe arbitri akordon faull për
Skënderbeun.
13′ Gabim i mbrojtjes së Skënderbeut dhe Golgol Membrahtu del i
vetëm përballë Shehit duke patur një rast të artë, por topi i goditur
prej tij prek trupin e portierit të korçarëve dhe devijohet në goditje
këndi.
12′ Nimaga tenton me një goditje nga jashtë zonës, por portieri Divish
kontrollon topin pa asnjë problem.
6′ Shramosta tenton me një goditje të rrezikshme nga hyrja e zonës,
por Shehi reagon në kohën e duhur duke grushtuar topin për ta
devijuar në goditje këndi.
2′ Shramosta nuk arrin të devijojë dot si duhet brenda zonës dhe
Shehi largon rrezikun duke kontrolluar topin.
1′ Fillon ndeshja. Skënderbeu luan topin e parë.
LIVE | MLLADA BOLESLAV – SKËNDERBEU 1-0
Shramosta 42′
Mllada Boleslav: Divish, Fabian, Dagllas, Çmovsh, Fleishman, Prikril,
Matejovski, Rada, Maresh, Golgol Mebrahtu, Shramosta
Trajner: Dushan Uhrin
Skënderbeu: Shehi, Vangjeli, Radas, Jashanica, Mici, Muzaka,
Osmani, Nimaga, Taku, Plaku, Latifi
Trajner: Ilir Daja
Gjyqtar: Alan Mario Sant (Maltë)
https://vid.me/CG4fc
