Tre persona humbën jetën tragjikisht kur makina me të cilën udhëtonin doli nga rruga dhe përfundoi në kanal në aksin Fier-Levan. Mjeti tip Suzuki drejtohej nga Fisnik Murataj me origjine nga Ballshi.
Nga të dhënat e para të familjarëve është mësuar se ata jetonin në Greqi dhe kishin ardhur në Shqipëri për të marrë pjesë në një dasmë. Udhëtimi i tyre u pre në mes gjatë natës, teksa ishin nisur për tu kthyer në Greqi ku jetonin prej vitesh.
Viktimat janë: Fisnik Murataj 32 vjeç, Agostin Murataj 30 vjeç (djem xhaxhallarësh) dhe shtetasja e huaj, Noza Ahamoud 34 vjeç, e fejuara e Fisnik Muratajt.
