Trajneri italian i Shqipërisë, Gianni De Biasi njihet si një motivues i mirë për futbollistët e tij.
Por çfarë bëri ai para duelit të shumëpritur ndaj Rumanisë, ku për Kombëtaren shqiptare fitorja vlente shumë.
De Biasi ka ulur të gjithë futbollistët para një ekrani të madh për t’iu treguar një video emocionuese.
Në fillim të videos shkruhet ‘Kështu na kanë trajtuar’, ndërsa në fundin e saj janë fjalët magjike ‘Falë jush, Evropa na shikon si të barabartë’.
Këtë video trajneri italian i cili ka edhe pasaportë shqiptare e ka hedhur në profilin e tij në Facebook.
Kjo video është rrëqethëse dhe ka marrë qindra pëlqime nëpër rrjetet sociale.
