Anija “ORIKU” dhe ekuipazhi i saj është e specializuar në misionet e kërkim shpëtimit në det, ku një nga misionet e radhës do të jetë imbarkimi I anijeve me refugjatë në Detin Egje. Por përpara këtij misioni ekuipazhit të kësaj anije ju desh që ditën e djeshme të përballeshin me një sfidë tejet të vështirë; atë të shpëtimit të një skafi privat me dy persona në bord që ishte nisur nga Italia dhe kishte mbetur në mes të detit Adriatik, në mëshirën e dallgëve të larta. Një lajm që mbushi kronikat e medias për gjatë gjithë ditës së djeshme në një mision që siç rrëfen edhe vetë kapiteni i anijes “ORIKU” ishte i një shkalle të lartë vështirësie ku u deshën 11 orë kërkime në det të trazuar, ku përpos kërkimeve imbarkimi I skafit paraqiti rrezikshmëri të lartë. Për të gjithë detajet e kërkim shpëtimit dhe vetë misionin e anijes “ORIKU”, gazetari Dritan Laci bisedoi ekskluzivisht me kapitenin e anijës Ilir Çobo, që na rrëfen të gjithë zhvillimin e ngjarjes së djeshme deri në pikasjen e skafit dhe gjendjen e vështirë shëndetësore të dy personave në bord.
Intervistoi Dritan LACI
Ilir ju jeni kapiten i anijes “ORIKU”. Ditën e djeshme keni qenë në një mision kërkim shpëtimi të veçantë por mbi të gjitha shumë të vështirë, ku një skaf që vinte nga Italia kishte mbetur në mes të detit të trazuar. Si e morët fillimisht njoftimin për këtë mjet lundrues dhe cilat ishin veprimet e para që kryet si kapiteneri?
Njoftimin e kemi marrë nëpërmjet oficerit të shërbimit 24- orësh për Forcën Detare në QNOD si dhe oficerit të sallës operative në Flotiljen Detare Pashaliman për një mjet detar i cili rrezikonte të mbytej rreth 7-8 milje nga grykëderdhja e Vjosës. Menjëherë sipas linjës së komandimit është njoftuar i gjithë efektivi i anijes ORIKU si dhe mjetet e transportit për në bazën e Pashalimanit ku gjendej anija. Oficeri i shërbimit në anije ka filluar përgatitjet e para të anijes dhe me mbërritjen e efektivit u bë kompletimi i anijes për detyrë
Si proceduat më tej. Si ishin kushtet atmosferike për të përballuar një mision të tillë?
Menjëherë kemi dalë në det me shpejtësinë maksimale të mundshme sepse ndikoheshim shumë nga gjendja e detit 5-6 ballë, rrymës detare shumë të forte si dhe erës me shpejtësi mbi 25 nyje. Në rajon ndodhej edhe anija P-116 e cila kishte filluar kërkimin më herët por për shkak të situatës detare u detyrua të ndërpriste operacionin pasi rrezikonin jetën e efektivit dhe vetë anijen. Sapo u afruam në rajon në bashkëpunim me QNOD ndërtuam kuadratin prej 190 milje katrorë dhe vijuam kërkimin së bashku me helikopterin Cougar të Forcës Ajrore. Kuadrati i kërkimit u ndërtua në bazë të informacioneve fillestare për mjetin drejtimin e erës dhe rrymës si dhe shikueshmërisë së vrojtuesve dhe radarëve në situatën ku ndodheshim
Nëse do ta përkthenim me orë, sa larg ishte mjeti lundrues? Dhe si ishte gjendja e personave në skaf?
Pasi u kontrollua ky kuadrat dhe nuk u gjet mjeti sipas informacionit që QNOD mori nga një familjar i personit në skaf, zhvendosëm kerkimin në veri të kepit të Lagjit dhe në orën 15:05 diktuam mjetin tip skaf me ngjyrë të bardhë. Në skaf ndodheshin 2 persona një me shtetësi shqiptare dhe një italian. Gjendja shëndetësore e tyre ishin të lodhur nga qëndrimi i gjatë ndërsa shtetasi italian kishte humbur lëngje nga zënia e detit. Për këtë u bë njoftimi për kujdes mjekësor i cili na priti i gatshëm në portin e Durrësit. Pas shumë përpjekjesh duke rrezikuar jetën e efektivit dhe vetë anijen arritëm të kryenim rimorkimin e mjetit. Rimorkimi ishte e vetmja mënyrë pasi me dallgë me lartësi 5 m ishte jo vetëm e pamundur por e rrezikshme ti afroheshim skafit pasi mund ta perplasnim duke e çarë dhe njëkohësisht fundosur
Ishte një mision i vështirë rimbarkimi? Ku qëndroi vështirësia në këtë rast?
Vështirësia qëndronte në kushtet e detit ku jo vetëm nuk mund të kryhej një rimorkim i zakonshëm por edhe manovrimi i vetë anijes tonë ishte pothuajse i pamundur. Duhet të keni parasysh që me dallgë të tilla zhvendosjet e mjeteve në det gjate manovrave janë të mëdha dhe në rast pakujdesie çojnë në perplasje të mjeteve ose përmbysje të anijes.
Dhe si e realizuat rimorkimin? Cilat ishin bisedat e para që bëtë me dy personat në skaf. Çfarë shpjegimesh dhanë për një lëvizje në një mot të tillë?
Ishte e pamundur biseda direkte pasi nga era nuk dëgjohej por u lidhëm nëpërmjet telefonit celular me shtetasin Ardian Jahaj i cili na konfirmoi gjendjen shëndetësore. Rimorkimi u bë duke hedhur pandola piroteknike dhe nëpërmjet çimës së saj lidhem çimën e rimorkimit. Gjate rimorkimit i cili ishte tepër i vështirë kemi mbajtur kontakt të vazhdueshëm për gjendjen shëndetësore dhe kujdesi gjatë lundrimit. Kemi qenë të rezervuar në komunikim për të kursyer baterinë e cel të personit dhe për të mos humbur kontaktin për ndonjë situate emergjente. Këto informacione janë transmetuar më pare nga QNOD të cilët kishin patur komunikim me herët dhe më të shpeshtë me personin.
Kapiten ju jeni drejtues i Anijes Oriku qe do te perdoret ne misionet e kerkim shpetimit ne Egje. Nese mund te na flisni dicka per misionin e kesaj anije, kapacitetin, ekuipazhin dhe cilat kane qene misionet qe ka ndermarre deri me tani?
Misioni i anijes “ORIKU” në operacionin “Sea Guardian” e zhvilluar nga NATO në detin Egje konsiston ne 3 detyra kryesore: Rritja e kapaciteteve të sigurisë detare; Monitorim i rajonit të përgjegjësisë si edhe Lufta ndaj terrorizmit dhe trafikut të qenieve njerëzore. Detyra shtesë që mund të kryhen në rajon sipas situatës janë edhe kërkim shpetimi; dhënia e ndihmës në det, sigurimi i lundrimit të lire si dhe sigurimi i jetës në det. Këto jane detyra të ndërmarra nga grupi SNMG ku ne do të bejme pjesë por edhe detyrime të konventave për detin. Këto detyra ne i kemi në mision të Forces Detare. Kemi kryer stërvitje me partnerët si dhe kemi zbatuar kërkim shpëtimi në det. zbatimin e ligjshmërisë detare, sigurimin e lundrimit dhe dhënien e ndihmës, monitorimin e situatës detare etj. / Opinion.al
Çfarë ndodhi ditën e djeshme
Një skaf me dy persona në bord ishte nisur nga Italia në drejtim të Shqipërisë. Në orën 6.00 të mëngjesit, Fatjon Jahaj, njofton se babai I tij Ardian Jahaj dhe një shtetas Italian kanë mbetur në mes të detit pasi u kishte përfunduar karburanti….
Video e meposhtme janë pamje ekskluzive nga anija “ORIKU” gjatë misionit të kërkim shpëtimit ditën e djeshme
[fbvideo link=”https://www.facebook.com/ilir.cobo.7/videos/10154697641314868/” width=”500″ height=”400″ onlyvideo=”1″]
Pamje nga Anija “ORIKU” gjatë misionit të kërkimit shpetimit dhe dallgët mbi 5 m të larta në Adriatik
