Hëna që do të shfaqet në fund të këtij muaji, konsiderohet si shumë e rrallë, e quajtur ndryshe si “hëna e gjakut super blu”. Ajo do të shfaqet më 31 janar. Një ngjarje e tillë ndodhur kur bashkohen tre fenomene të hënave në të njëjtën kohë- një super hënë, një hënë blu dhe një hënë e gjakut që kombinon për të ofruar një pamje të trefishtë.
Një supershfaqje e tillë ndodh kur orbita e saj është më afër tokës – ndodh në të njëjtën kohë si një hënë e plotë. Kjo e bën Hënën shumë më të madhe se normale, me rreth 14 për qind, shpjegon NASA.
Një hënë blu shfaqet kur ka dy hënë të plotë në një muaj. Përkundër thënies, “një herë në një hënë blu”, këto hënë dalin rreth një herë në çdo 2,7 vjet.
*Video e publikur nga The Guardian
Hëna e parë e plotë e janarit ndodhi më 1 ose 2 janar, në varësi të zonave kohore. E dyta do të shfaqet më 31 janar ose 1 shkurt, që do të thotë që njerëzit që jetojnë në pjesë të caktuara të Australisë do të humbasin mundësinë të përjetojnë një hënë blu.
Përveç një super-hëne dhe një hije blu, 31 janari do të ketë gjithashtu një eklips hënor – kur hëna kalon prapa Tokës dhe bie në hijen e saj. Kjo ndodh vetëm kur Hëna, Toka dhe Dielli janë të gjithë të përafruar. Hëna do të jetë brenda hijes së Tokës për rreth një orë e pesëmbëdhjetë minuta.
Ndërsa Hëna është në hije, duket e kuqërremtë dhe quhet “hëna e gjakut”.
Një eklips hënor total i hënës blu nuk ka ndodhur në Hemisferën Perëndimore që nga viti 1866, por Hemisfera Lindore e pa atë në vitin 1982, raporton Space.com.
Hëna super blu e gjakut do të jetë e dukshme herët të mërkurën, 31 janar për njerëzit në SHBA. Për njerëzit në Azi, Lindjen e Mesme ose Oqeani, eklipsi do të jetë i dukshëm pas perëndimit të diellit më 31 janar. Disa pjesë të Evropës, Afrikës dhe Azisë nuk do të shohin eklipsin e plotë.
