Video/ E turpshme, vetëm 20 gra në protestë kundër dhunës ndaj fëmijëve

Sot në mesditë njëkohësisht me gjyqin që po i bëhej Anjeza Shabanit, administratores së kopshtit “Diren” që u filmua duke rrahur një fëmijë tre vjeçar,  përballë Kuvendit dhe Ministrisë së Arsimit u mbajt një protestë nga prindër të cilët i kërkonin këtyre institucioneve masa më të rrepta ligjore për dhunuesit e fëmijëve. Por ajo që ra sot në sy ishte numri i pakët i prindërve që ishin pjesëmarrës në protestë. Gjë që u evidentua edhe nga vetë nënat pjesëmarrëse. Ky numër i paktët ka sjellë edhe revoltën e vetë prindërve protestues, të cilët prisnin një numër më të madh protestuesit. Duke parë edhe ndikimin që pati në rrjetet sociale si edhe komentuesit e shumtë të cilët shprehnin zemëratën e tyre, të cilët mesa duket janë të të tillë vetëm në komentet në portale.