Tifozët e PSV Eindhoven kanë bërë gjeste aspak të këndshme përpara ndeshjes së ekipit të tyre kundër Atletico Madrid. Disa prej tyre kanë shpërfytyruar disa lypsarë në zemrën e kryeqytetit spanjoll, Plaza Mayor. Tifozët kanë hedhur disa qindarka në drejtim të lypësve dhe qeshnin teksa spanjollët e varfër shkonin t’i merrnin. Përveç kësaj, ata i kanë bërë me shenjë të uleshin për të bërë disa pompa, në këmbim të disa të hollave. Gjithashtu ka edhe video ku tregohet se si holandezët i mbanin paratë pranë fytyrës së lypësve dhe ja hiqnin kur ata mundoheshin t’i kapnin. Më pas kanë filluar të djegin para teksa lypësit shihnin.
E përditshmja spanjolle AS shkruan për një “sjellje të turpshme.” Telegraaf-i i Amsterdamit e cilësoi ngjarjen si “skandaloze dhe të fëlliqur”. Pronari i PSV Toon Gerbrands i dënoi skenat dhe paralajmëroi se do të ketë pasoja: “Kjo është e shëmtuar. Diçka të tillë nuk duhet të bëhet.” Nëse autorët do të identifikoheshin, do të përdorej dialogu, nëse ata nuk do të kërkonin falje atëherë do t’i priste një përjashtim nga stadiumi. PSV humbi ndeshjen e mbrëmshme me penallti.
