Kanë nisur hetimet për tragjedinë në Francë, ku orteku i borës zuri nxënësit e shkollës që kishin shkuar për turizëm me mësuesit në alpe.
Ministrja franceze e Arsimit Najat VallaudBelkacem duke folur në shkollën Saint Exupery në Lion tha se mësuesit janë përgjegjës pasi kanë çuar fëmijët në një pistë të mbyllur.
‘Si mund të mendosh të çosh fëmijët, në periudhën ku ka shumë borë mbi një piste e cila u mbyll?”, u shpreh e revoltuar ministrja.
Të paktën dy nxënës knë mbetur të vdekur si pasojë e një orteku bore në Alpet franceze që ka goditur një grup prej 10 fëmijësh dhe mësuesin e tyre. Policia franceze deklaron se një prej fëmijëve që humbi jetën ishte një 14-vjeçar.
Ndërkohë, ekipet e kërkim-shpëtimit janë duke kërkuar ende për pesë nxënës të tjerë të humbur nën borën e madhe në Isere të Francës.
Katër nga nxënësit janë gjetur të goditur nga atake kardiake si pasojë e frikës që përjetuan gjatë aksidentit, ndërsa mësuesi i tyre është gjetur në komë.
