Fatmira Bami është 60 vjeçe, banore në ish-shtëpinë e gjyshit të Edi Ramës, Vlash Ramës. Prej një viti Fatmira vuan nga kanceri dhe përmbaruesit e hodhën në rrugë, së bashku me dy prindërit e saj të moshuar 85-vjeçarë dhe bashkëshortin.
“Jam shumë e sëmurë, e kam hequr gjoksin, po bëj një vit që jam shumë e sëmurë. Po ku pyesin këta? Mua duke më rënë të fikët, ata duke nxjerrë rrobat jashtë. Përmbaruesit më hodhën jashtë në shi. Na dha një fqinje çelësat dhe kemi futur plaçkat në garazh”.
E sëmurë, pa shtëpi, me dy prindër të moshuar, Fatmira ka një apel për kryeministrin e për kreun e bashkisë së Durrësit.
“Ku t’i qajmë hallet, ku? Shtëpi nuk na japin, për të na hedhur në rrugë dinë, por për të na gjetur zgjidhje, ka njeri? Unë Edi Ramën e Vangjush Dakon votova!”
