Një aksident ka ndodhur në rrugën dytësore Plepa-Golem në afërsi të Golemit, paraditne e sotme.
Një 63 vjeçar ng Kavaja është përplasurnga një makinë teksa udhëtonte me një motoçikletë mbi të cilën ai po transportonte 250 vezë që do ti tregtonte.
“Makina lëvizte shumë shpejt dhe më goditi nga pas. Po të mos kisha kaskën, do të kisha vdekur. Po m’u thyen 250 vezë që kisha për të shitur. Me to ushqehemi. I mbledhim dhe i shesim në treg. Se mbetemi pa bukë. Më ka bërë dëm të madh.”
Kështu tha Zija Hoxha, drejtuesi i motorit, që u aksidentua paraditen e sotme nga një makinë në aksin Durrës – Plepa.
63 vjeçari nga Kavaja ka shpëtuar për mrekulli,me pak lëndime në gjymtyrët e sipërme e të poshtme, nga aksidenti në rrugën dytësore Plepa-Golem në afërsi të Golemit, paraditen e sotme.
Një mjet tip “Opel Korsa” goditi nga pas motorin që drejtohej nga 63-vjeçari, dhe u ndal vetëm pasi shkatërroi bordurën mbajtëse të rrugës, pranë një hoteli.
