Këto pamje që kalojnë kufijtë e imagjinatës për spitalet tona janë regjistruar në poliklinikën e Fierit, aty ku qytetarët jo vetëm që nuk kanë shëndetësi falas por as kushtet minimale të trajtimit njerëzor.
“Radhët e gjatë janë të përditshme”, thonë qytetarët në poliklinikën e Fierit. Ata pohojnë se mbajnë radhë me orë të tëra për t’u vizituar te mjekët specialistë, për të cilët thonë se nuk i zbatojnë oraret pasi punojnë edhe në spitalin rajonal të Fierit. Pra shkurt: Poliklinika nuk ka staf mjaftueshëm për të përballuar numrin e popullsisë.
Një qytetare nga Fieri denoncon kaosin duke dërguar këto video në adresën e Tv Klan. Njerëz që presin radhë, të tensionuar dhe që nuk marrin asnjë përgjigje. Madje në një moment, sipas denoncueses, infermierja ju thotë: Vdekshi që të gjithë!
