Video/ E pabesueshme, shokët e skuadrës rrihen me grushta gjatë lojës

Është thjesht e pabesueshme ajo që ka ndodhur gjatë një ndeshje futbolli në kategorinë e dytë franceze të futbollit. Gjatë zhvillimit të aksionit në ndeshjen Queville-Okser, dy lojtarë të Okserit kanë lënë ndeshjen dhe kanë filluar të grushtohen me njëri-tjetrin. Ka qenë minuta e 81’ kur dy lojtarët e skuadrës mikë u rrahën me grushta në mesin e fushës. Gjyqtari francez, Mokhtari nuk i ka kursyer kartonat e kuq dhe i ka nxjerrë të dy futbollistët me karton të kuq. Ndeshja përfundoi 4-1 për Queville dhe më keq se kaq nuk mund të shkonte për Okserin që ka disa vite që lufton për të mbijetuar në kategorinë inferiore të futbollit francez.