Edhe pse Juventusi kishte një përballje shumë të vështirë para vetes, Dani Alves ishte shume i relaksuar në fillim të ndeshjes kundër Barcelonës në Camp Nou.
33-vjeçari ka luajtur te klubi spanjoll për tetë vite (2008-2016), për këtë arsye ka edhe shumë miq atje. Gjatë kohës që gjyqtari kishte dhënë shenjë për fillimin e lojës, braziliani vendosi t’i përshëndeste ish-bashkë-lojtarët e tij dhe pjesëtarët e stafit që ndodheshin në bankën rezervë të katalunasve.
Me këtë rast, Luis Enrique është habitur dhe duke qeshur ka bërë me shenjë nga fusha për t’i treguar Alvesit se loja ka filluar.
Pas përfundimit të ndeshjes, Alves ka deklaruar se për të nuk ishte e lehtë t’i shihte ish-bashkë-lojtarët e tij në atë gjendje pas eliminimit nga Juventusi.
“Ishte vështirë, por jam i lumtur për klubin dhe bashkë-lojtarët. Kjo natë me jep ndjenja të përziera, pasi mu kujtuan shumë kujtime të bukura në këtë stadium dhe të shohësh shokët në këtë situatë është e dhimbshme, por pjesë e punës tonë”, tha Alves pas ndeshjes me Barcelonën.
Dani Alves messing around with the Barcelona bench just before kick-off ? the game’s started! pic.twitter.com/V6UtJtoa4i
— GMS (@GMS678) April 19, 2017
