Një refugjat sirian dëshiron që ta vendosë një rekord të ri botëror për ngrënien e akrepave pasi e ka ushtruar hobin e tij të çuditshëm për tri vite.
Hozan, filloi trajnimin e ngrënies së akrepave duke mos ngrenë mëngjes në shtëpi, por duke ngrenë akrepa rrugës për në punë, shkruan Mirror.
Rekordi aktual mbahet nga një person nga Arabia Saudite i cili ka ngrenë 22 akrepa për 20 sekonda, por Hozan, i cili është kurd, thotë se ai mund t’i hajë 25 akrepa pa problem.
Por, talenti i tij ka shkuar përtej ngrënies së akrepave, ai është i dhënë edhe pas gjarprinjve të gjallë.
Hozan vjen nga Amunda e Sirisë, por ka ikur nga vendlindja e tij para ca viteve kur ISIS kishte kërcënuar ta sulmonte vendin e tij.
Tani, ai jeton në Domiz afër Dohuk në Irak.
