Sulmuesit të Barcelona-s Neymar i është bërë një pyetje shumë e vështirë: çfarë do të zgjidhte ai mes këmbës së majtë të Messi-t dhe të djathtës së Ronaldo-s? Duke parë se argjentinasi është shoku i tij i skuadrës zgjedhja ka qenë shumë e lehtë për të. Duke folur me gazetarin brazilian Mauro Beting, Neymar ka thënë se: “Me gjithë respektin për Cristiano-n, zgjedh të majtën e Messi-t sepse edhe unë kam një të djathtë të mirë”.
Më pas ylli brazilian është pyetur se kundër cilit ekip do të preferonte të fitonte mes Real Madrid dhe Manchester City. “Do të preferoja të mundja Real Madrid”, ka qenë përgjigja e tij. Në fund, Neymar është pyetur se cilin kompeticion preferon mes Kupës Libertadores dhe Champions League. “Libertadores është sensacionale, por Champions League… Herën e parë që kam dëgjuar himnin ka qenë një ndjesi e veçantë. Është si të jesh në një video game; është ëndrra e çdo fëmije e kthyer në realitet. Për këtë arsye zgjedh Champions League”, ka thënë Neymar.
;
