Në lidhje me një video të publikuar në portale që bën fjalë për shoqërimin e një shtetasi në Elbasan policia bën të ditur se:
“Në vijim të veprimeve paraprake të kryera nga Drejtoria e Standarteve Profesionale me urdhër të Drejtorit të Policisë Shtetit është pezulluar nga detyra oficeri i policisë pranë Drejtorisë Vendore të Policisë Elbasan Nënkomisar Arjet Jança, deri në përfundimin dhe sqarimin e plotë të çështjes. Ndaj oficerit ka filluar proçedimi disiplinor për veprime arbitare.
Ngjarja
Një person është prangosur në qytetin e Elbasanit në rrethana të çuditshme. Siç shihet edhe në foto, polici pa uniforme i fut një grusht dhe më pas i vë prangat burrit që ecte me biçikletë. Ai kishte pranë edhe gruan dhe fëmijët, thanë kalimtarët që denoncuan ngjarjen. Sipas tyre, personi i arrestuar është hallexhi dhe iu vunë prangat vetëm se i zuri rrugën policit që lëvizte me makinë.
