4 persona, pjesë e një grupi që shpërndante heroinë në qytetin e Durrësit, u vunë në pranga nga policia e qytetit bregdetar.
Ata janë Leonard Vangjeli 36 – vjeç, Endrin Hoxha 30 – vjeç, Idlir Topçiu 41 – vjeç dhe Adriatik Beli 37 – vjeç.
Policia ra në gjurmët e tyre pas një hetimi 3 mujor.
Gjatë kontrollit në banesat e tyre u gjetën dhe u sekuestruan rreth 600 gramë lëndë narkotike e dyshuar si heroinë, një makinë tip Benz, një thikë profesionale, një peshore elektronike dhe shtatë aparatë celularë.
Grupi mësohet se operonte në lagje të ndryshme të qytetit të Durrësit dhe rrethinat e tij.
Të arrestuar janë persona me precedentë penalë të mëparshëm në fushën e veprave penale kundër jetës dhe pronës.
Ky nuk është i vetmi grup për të cilin ka dyshime se vepronin prej kohësh në trafikun e drogës.
Edhe për dy ngjarjet e tjera kriminale që lidhen me atentatin në qendër të Durrësit ndaj Ervin Kodrës dhe Endrit Çaushajt dhe ekzekutimin e Gazmend Çollakut, policia i ka përqëndruar hetimet në prishjen e pazarave të drogës/ Tv Klan
https://www.youtube.com/watch?v=FvXrtUSeS9Q
