Pritja për tu kualifikuar sidomos pas fitores së fundit ndaj Rumanisë ishte shumë i madh te Kombëtarja. Por më të ethshme kanë qenë dy ditët kur Kombëtarja priste sipas formulës së Europianit shansin nëpërmjet Kombëtarëve të tjera që luanin ende. Për Dukën kjo pritje ishte një tmerr më vete.
“Ka qenë një tmerr në vete pritje për tu kualifikuar. Momenti më i vështirë ishte 15 minuta e para më Zvicrën. Pësuam një gol dhe mund të kishim pësuar më shumë pasi ekipi nuk po koordinohej. Edhe me Francën, u lodhëm shumë. Ishte një kundërshtar me diferencë. Dhe lodhja të nxjerr nga detyra. Ndoshta nuk duhej ta pësonim atë gol të dytë që rezultoi fatal.”
