Festa e fundvitit në Tv Klan ka kaluar bukur dhe me shumë surpriza. Njëra prej tyre ka qenë edhe dueti fantastik mes kantautorit të mirënjohur Ardit Gjebrea dhe vajzës së tij, Anna.
Ka qenë këngëtari Klajd Haruni ai i cili ka nisur të këndojë një nga këngët më të bukura të Gjebresë ndër vite , “Kur të jesh mërzitur shumë” dhe më pas mikrofonin e ka marrë vetë këngëtari i mirënjohur, Ardit Gjebrea.
Duke patur në krah vogëlushen e tij Annën, ai ja kaloi asaj mikrofonin dhe e vogla jo vetëm që i dinte të gjitha fjalët e këngës, por befasoi të ftuarit madje dhe vetë kantautorin me zërin e saj të mrekullueshëm dhe të intonuar.
Anna është mishërimi i shprehjes “bëmë baba të të ngjajë”.
