Një 32-vjeçar që beri drift me automjet në qendër të banuar është ndëshuar nga policia me gjobë 40 000 lekë.
Uniformat blu njoftojnë se bazuar në disa pamje filmike në të cilat shfaqet një automjet me targa italiane, duke kryer manovra të rrezikshme (drift), në qytetin e Burrelit, shërbimet e Komisariatit të Policisë Mat dhe ata të Policisë Rrugore kanë kryer veprimet për identifikimin dhe ndëshkimin e drejtuesit të automjetit.
Drejtuesi i automjetit, shtetasi E.H., 32 vjeç, banues në Itali, është shoqëruar në Komisariat, bashkë me automjetin e tij.
Në vijim të veprimeve, nga specialistët e Policisë Rrugore i’u vendos gjobë prej 40 000 lekësh, bazuar në nenin 139 të Kodit Rrugor.
