Në hetimet për vrasjen e shqiptarit, Vilson Meshi, policia Britanike po kërkon të marrë në pyetje një person me biçikletë.
Nga kamerat e sigurisë shihet se ky person, disa orë para vdekjes së 30vjeçarit ka tentuar të hapë derën e makinës.
Meshi u gjet i pajetë në makinë Audi A4 ngjyrë gri e parkuar të shtunën rreth orës 17:00.
Kamerat e sigurisë tregojnë një djalë me biçikletë, i cili rreth orës 14:15 tenton të hapë derën e Audit.
Policia kërkon të marrë në pyetje këtë person për të mësuar më shumë mbi vdekjen e babait të tre fëmijëve.
“Na duhet të gjejmë këtë person për të kuptuar se çfarë po bënte në atë zonë në atë orë”, thotë dedektivi Stephen Jennings.
Dy djem nga 16 vjeç dhe një 15 vjeç janë ndaluar si të dyshuar për vrasjen e Meshit, e ndodhur më 2 mars./ Panorama.al
http://www.dailymotion.com/video/x3wz9dc_vrasja-e-vilson-meshit_news
