Dj Blund, Real 1 dhe Ledri krijuan disa vite më parë këngën “Nëse m’don ti”, e cila shumë shpejt arriti të kthehej në hit veror. Por mesa duket ky bashkëpunim me Ledrin nuk ka përfunduar në mënyrën më të mirë. Dj Blund së fundmi ka shpërthyer në ofendime të rënda karshi Ledrit në Instastory, duke shkaktuar edhe debat mes fansave. Duke shpjeguar se për kë ishin diss-et në këngën e tij të fundit, Blunt thotë se ato ishin për Ledri Vulën, të cilin e quan “kurvë” dhe një sërë epitetesh të tjera eksplicite.
Sipas Blunt, gjithçka ka nisur kur ai dhe Real 1 kanë qenë gati duke publikuar këngën “Nëse m’don ti”. Ai shpjegon se pak para publikimit, Vula u ka kërkuar atyre që të bëjë remix-in e këngës. “Unë dhe Real 1 vendosëm të ndalnim publikimin e këngës që të fusnim Ledrin, sepse e kemi respektuar si koleg dhe si shok, por ai është një kurvë!”-shprehet DJ-i i famshëm. Ai tregon se Ledri është zhdukur dhe nuk ka treguar respekt ndaj tyre dhe e ka akuzuar më tej reperin se kur ka qenë me ta, ka sharë të gjithë miqtë tij të tanishëm, si Lumi B.
Por Blunt nuk është ndalur vetëm tek Ledri, pasi në videot e postuara, ka ofenduar rëndë edhe reperin Gjiko.
“Ti deri dje ke punuar në Tetovë ku shisje sanduiçë me proshutë. Je kthyer në Prishtnë ku shërbeje kafe dhe çaj dhe ke punuar si dentist. Jo se kam ndonjë gjë kundër profesionit të kamarierit apo kuzhinierit, respekt pamasë. Por ti je fals, se pas një viti del ti me Lamborghini dhe këndon: ‘Shtrenjt, shtrenjt, shtrenjt…’Je një kurvë false!’-ka vijuar më tej Blunt duke thënë se dhe jetën e flokët Gjiko i ka me qira.
