Përfshihen nga zjarri 5 njësi shërbimi në Kamëz. Ngjarja ka ndodhur rreth orës 1:45 të së hënës në rrugën “Skënderbej”, ku zjarri fillimisht ra në një ish-magazinë shtetërore, brenda së cilës ka dyqane me rroba, fast food, dhe me materiale plastike.
Zjarrfikësit e Kamzës pas mbi një orë luftë me flakët, e vendosën nën kontroll dhe më pas e shuan plotësisht zjarrin i cili la pas dëme të shumta materiale.
Autoritetet po hetojnë shkaqet e zjarrit, teksa po bëhet edhe bilanci i dëmeve të subjekteve tregtare që operonin në këtë zonë.
“Më datë 01.07.2024, rreth orës 01:40, në rrugën “Skënderbej”, ka rënë zjarr në një ish-magazinë shtetërore, brenda së cilës ka dyqane me rroba, fastfood, dhe me materiale plastike.
Zjarri është fikur dhe si pasojë ka vetëm dëme materiale”,-njofton policia.
Grupi hetimor, së bashku me ekspertët zjarrfikës, po punojnë për sqarimin e rrethanave të ngjarjes./Opinion.al
