Në lidhje me dhunën e ushtruar ndaj fëmijës vetëm tre vjeç nga drejtoresha e kopshtit “Diren”, Anjeza Shabani, Preç Zogaj theksoi se një element tjetër që e bën akoma edhe më të shëmtuar këtë akt është edhe ushtrimi i dhunës në sy të të tjerëve.
Sa më dhimbset ai që qan, po aq më dhimbsen edhe ata që e shikojnë. Ky është një skandal i madh, sepse çfarëdo që të themi nuk arrijmë të themi dot atë që ndiejmë. Sipas meje përgjegjësia është e asaj gruas, të mos hallakatemi sepse mund ta largojmë përgjegjësinë edhe në mesjetë, Shqipëria, shqiptarët e kështu. Por është një përgjegjësi individuale pikësëpari”, tha Zogaj.
