Futbollistët më të njohur të Barcelonës, Neymar, Iniesta, Rakitic, Umtiti dhe të tjerë yje të kësaj skuadre kanë pozuar me flamurin kuq e zi me shqiponjë, në një seri fotografish aspak të zakonshme.
Në fakt fotot e ardhur në Opinion.al janë inspiruar dhe realizuar nga një djalë 11-vjeçar i quajtur Denis Ferraj e që me sa duket ka të gjitha premisat për të qenë një yll i ardhshëm i futbollit botëror.
I lindur në Rimini në 13 Mars të vitit 2006 nga dy prindër shqiptar, tek Denisi ka spikatur që në moshë shumë të re, talenti për futbollin. Në moshën 5-vjeçare ai është shpallur lojëtari më i mirë i turneut në Cattolica, ndërsa në vitin 2014 është pjesë e ekipit të fëmijëve të Cezena dhe më vonë me Romën.
Aktualisht prej vitit 2016 Denisi luan në ekipin e fëmijëve të klubit të Barcelonës, ku ka patur mundësinë të takojë edhe yjet e kësaj skuadre, te cilet kane vene autografet e tyre ne flamurin e Denisit, shkruan Opinion.al
Dhe me sa duket, një ide shumë origjinale dhe e veçantë ka qenë ajo e realizimit të fotove dhe videove me flamurin kombëtar Kuq e Zi, si për të vërtetuar që pavarësisht sukseseve Denisi nuk e harron kurrë origjinën e familjes së tij. Me poshte gjeni te plota, fotot dhe videon e realizuar nga Denisi, derguar ne Opinion.al.
