Dy persona të armatosur dhe të maskuar grabitën një resort pushimi në rrugën Rinas- Ahmetaq, fare pranë aeroportit ndërkombëtar të Rinasit.
Ngjarja ndodhi rreth orës 22:45 të mbrëmjes të së enjtes, kur sapo ishte mbyllur turni i dytë dhe punëtorët ishin larguar. Autorët hynë në ambientet e resortit nga oborri i tij duke përdorur një hyrje në anën veriore.
I drejtuan armën recepsionistes, duke detyruar atë t’u jetë rreth 100 mijë lekë të reja që kishte në arkë. Ajo tha në polici se grabitësit mbanin edhe doreza, për të mos lënë shenja gishtërinjsh.
Hetuesit sekuestruan kamera të sigurisë në përpjekje për të zbuluar autorët. Disa persona janë shoqëruar, por deri tani nuk ka asnjë të ndaluar.
