Dy vëllezërit nga Kolonja, Dritan dhe Artan Dorezi të cilët u plagosën të shtunën me armë zjarri nga një person i maskuar, kërkojnë mbrojtjen e policisë, pasi ndihen të kërcënuar. Vëllëzerit, të cilët kanë marrë plagë në këmbë dhe fytyrë, po trajtohen në repartin e kirurgjisë të spitalit të Korçës, por pavarësisht ngjarjes, dhoma e tyre nuk ruhet me efektivë policie.
Dritan Dorezi: Jam plagosur këtu (tregon me dore te mjekra), kurse vëllai është plagosur në këmbë. Kërkoj ndihmë nga shteti, në radhë të parë te lopët, kam 100 e ca milionë lekë atje nuk e di çfarë bëhet. Në radhë të dytë kam frikë për jetën e vëllait dhe të familjes. As një polic nuk kam tek dera, çfarë garancie kam. I bëj thirrje shtetit, kam familjen dhe kalamajtë, nuk e di çfarë garancie kam. Të gjithë njerëzit që më vijnë, mund të vijë dhe një njeri i afërm dhe të më vrasë. Kështu që këtë i kërkoj shtetit që të më ndihmojë.
Vellezerit kanë hedhur dyshime se autori i plagosjes mund të jetë një i afërm i tyre, edhe pse mohojnë të kenë pasur konflikte në familje.
Dritan Dorezi: Ishim dy vëllezër duke kullosur lopët, na doli një njeri i maskuar, nuk e njofim. As konflikte nuk kemi pasur. Njoftuam policinë dhe ambulancën, pas një ore erdhi ambulance. Kam ecur vetë një orë rrugë në këmbë.
Në mungesë të efektivëve të policise, familjarët bëjnë roje tek dera e dhomës përgjatë 24 orëve.
Dy vëllezërit Dorezi u plagosën pasditen e të shtunës, në malin e Leshnjës, teksa ishin duke kullotur bagëtitë. /Oranews
