Kemi parë forma të ashpra dhune në Shqipëri, por në shtetin tjetër shqiptar, Kosovë, format e dënimit të fëmijëve shkojnë deri në mosdhënie ushqimi. Një rast i tillë denoncohet në Fushë-Kosovë. Prindërit e një fëmije ankohen se mësuesja e ka dënuar djalin e tyre duke mos ia dhënë drekën. Por drejtoresha dhe mësuesja e cerdhes private e mohojnë këtë.
“Drini u dënua se në vaktin e drekes deshi të ulej në karrigen e shoqes”, rrëfen nëna e të miturit.
E ëma Arjeta thotë se fillimisht nuk besoi atë që po i thoshte i biri se mësuesja e kishte detyruar që vetëm t’i shikonte shokët duke ngrënë.
Për ta vërtetuar ka biseduar edhe me prindërit e fëmijëve të tjerë të cilët e bindën se djali i saj ishte dënuar në atë mënyrë.
