Delina Fico e shikon si të paarsyeshme, madje diskriminuese veshjen islame në krahasim me burrat e të njëjtit besim. Madje për të konkretizuar këtë diskriminim ka sjell edhe një krahasim midis veshjes së burrave myslimanë dhe grave.
“Unë sa herë që shikoj një grua të mbuluar, them pse të vjen turp nga vetja jote, nga duart e tua, nga flokët e tua, ndërsa një burrit nuk i vjen turp. Sepse një burrë që vesh një fustan në të gjithë trupin nuk i vjen turp nga vetja, ndërsa një grua e veshur me burka bën një deklaratë me identitetin e vet. Kam qenë në Egjipt dhe më ka bërë çudi në fakt. Ishte shumë vapë dhe burrat ishin të vëshur me një këmishë të bardhë dhe fustan të gjatë me shapka, fresko-fresko, ndërsa gratë të veshura me të zeza nga maja e kokës deri të thoi i këmbës. Burrat me veshjen ideale për të përballuar vapën, kurse gratë të diskriminuara. Përse ju duhet të mbuloheni dhe burrat jo?
