Vetëm gjysma e ujërave të notueshme në territorin e Shqipërisë përmbushin cilësinë e mjaftueshme të standardeve të ujit, bazuar ne normat europiane. Sipas raportit të publikuar nga Komisionit Europian, nga 78 sitet e notueshme në Shqipëri, te gjithe bregdetare, vetem 25 kanë cilësi të shkêlqyer të ujit, 39 cilësi të mjaftueshme dhe 31 kanë cilësi të dobët. 4 nder keto te fundit jane ne Durres, qe vleresohet ne raport si zone mjaft problematike . Raporti veren se janë analizuar 597 kampione përmes testimit të identitetit të ketyre siteve, marrjes së kampioneve në stinë të ndryshme, parametrave mikrobiologjike dhe rrezikut të kontaminimit fekal te ujit. Në tabelën krahasuese me vendet anëtare të Bashkimit Europian, Shqipëria rezulton, si vendi me prezencën e ngjyrës së kuqe më të madhe, ngjyrë që tregon cilësinë e dobët të ujërave të notueshme. Ndërkohë vende fqinje të Shqipërisë përmbushin standartet e cilësisësë shkëlqyer të ujit duke u rradhitur në tetëshen më të mirë europiane.
Komisioni Europian dhe Agjensia Europiane e Mjedisit kanë publikuar raportin mbi monitorimin e 21.582 siteve ujëra të notueshme në shtetet anëtare të Bashkimit Europian, Zvicër dhe Shqipëri gjatë vitit 2015. Në raport janë raportuar 78 site ujërash të notueshme në Shqipëri, të cilat janë të gjitha bregdetare, ngaku janë analizuar 597 kampione përmes testimit të identitetit të siteve, marrjes së kampioneve në stinë të ndryshme, parametrave mikrobiologjike dhe rrezikut të kontaminimit fekal.
Komisioni Europian vlerëson, se vetëm 50% e ujërave tê notueshme në Shqipëri përmbushin cilësinë e mjaftueshme të standarteve të ujit.. Sipas raportit të publikuar nga Komisionit Europian, nga 78 sitet e notueshme në Shqipëri, 25 kanë cilësi të shkêlqyer të standarteve të ujit, 39 cilësi të mjaftueshme dhe 31 kanë cilësi të dobët. Komisioni Europian ve në pah, se nga 31 sitet e ujërave të notueshme me cilësi të dobët, 24 ndodhen në qytetin e Durrësit. « Edhe pse është ndërtuar impianti i trajtimit të mbetjeve të ujit në Durrës, uji është i ndotur për shkak të rrjeteve të kanalizimeve » thuhet në raport. Përveç kësaj, Shqipëria ka 18 site ujërash të notueshme, ku frekuenca e kampioneve të paraqitura për analizë nuk është e kënaqshme.
Në tabelën krahasuese me vendet anëtare të Bashkimit Europian, Shqipëria rezulton, si vendi me prezencën e ngjyrës së kuqe më të madhe, ngjyrë që tregon cilësinë e dobët të ujërave të notueshme. Ndërkohë vende fqinje të Shqipërisë përmbushin standartet e cilësisësë shkëlqyer të ujit duke u rradhitu në tetëshen më të mirë europiane, si Greqia në nivelin 97,2%, Kroacia në nivelin 94,2 % dhe Italia 90,5%. Raporti ve në pah, se 97% e siteve të ujërave të notueshme në të gjithë Europën plotësojnë së paku minimumin e standarteve të direktivës europiane të 2006. Cilësia e 87% të siteve ështê e kënaqshme dhe vetëm 2 % shënojnë cilësi të dobët. Ky raport i Komisionit Europian përkon me dhjetëvjetorin e aprovimit të direktivës për ujëtat e notueshme të 2006 (2006/7/EC) dhe me 40 vjet të mbrojtjes së ujërave të notueshme në Europe.
