Pa shumë bujë dha dorëheqjen në fund të Marsit Ardian Nezha prokurori i Elbasanit, i emëruar nga kryeprokurorja e e përkohshme Arta Marku. Nezha qendroi në detyrë dy muaj apo diçka më shumë, më pas për arsye që nuk janë bërë publike, atij iu kërkua të largohej pikërisht nga znj. Marku.
Sot, gazetari investigativ Artan Hoxha e sjell në vemendje largimin e Nezhës nga Elbasani, dhe thotë: “Atje shteti kishte filluar të lëvizte dhe patën frikë, e larguan…”
Duke folur në emisionin “Tonight Ilva Tare” Hoxha tha se në Elbasan ka grupe kriminale që lëvizin me eskortë. Sipas tij policia i di dhe nuk i prek pasi kanë mbështetje politike. “Lëvizin me eskortë dhe me armatime të rënda. Si ka mundësi që të kesh vrarë tre oficerë policie dhe të të mos ketë hyrë gjemb në këmbë, nuk të heton njeri?! Si është e mundur që ti të sulmosh skuadrën operacionale ditën për diell dhe të fajësosh skuadrën operacionale që është duke të vëzhguar?!”, janë pikëpyetjet e mëdha që ngre Artan Hoxha.
Më tej, ai citoi ministrin e Brendshëm, Fatmir Xhafaj, i cili ka deklaruar se “në Elbasan veprojnë familjet Çapaj dhe Çelaj. “Celajt janë në kërkim, po Capajt pse sjanë në kërkim?! Janë në qendër të Elbasanit. Vitin tjetër janë zgjedhjet dhe ju duhet”, deklaroi Artan Hoxha.
Pikërisht duke folur për mafian e Elbasanit, ai përmendi prokurorin që nuk e lanë të bënte detyrën as dy muaj në këtë zonë me kriminalitet të lartë. “Prokurori që shkoi për hetime nuk e lanë as për dy muaj. Pse e hoqën pse fluturoi ky prokuror? Çfarë ndodhi me prokuroren e përkohshme? Ajo e bëri këtë veprim… Morën frikë atje dhe panë që shteti po lëvizte”, tha më tej Hoxha.
Ndërkohë ai tha se ministri Xhafaj vepron sipas axhendës së ambasadorit Donald Lu. “Po tha Lu është peshk i madh është Ok…E dini kush janë personat më të kërkuar sot? Klement Balili dhe Jaeld Çela (ish-drejtori i policise). Pse? Sepse këta janë përmendur në tavolina politike. Policia duhet të ketë listën e vet, axhendën e vet…”, tha më tej gazetari investigativ, Artan Hoxha. /Opinion.al
Ndiqeni të plotë në videon më poshtë:
