Mijëra persona kanë vdekur e shumë të tjerë janë ende nën rrënoja si pasojë e tërmetit shkatërrimtar që mëngjesin e djeshëm goditi Turqinë. Teksa ekipet e kerkim-shpëtimit vijojnë operacionet për të nxjerrë njerëzit që kanë mbetur të bllokuar mediat e huaja kanë filmuar përpjekjet e banorëve vendas dhe të ekipeve të specializuarar për të shpëtuar njerëz pasi kanë dëgjuar zëra poshtë rrënojave.
Korrespondenti i Sky News, John Sparks është në Osmaniye, një qytet në Turqinë jugore 150 km nga epiqendra.
Ai dhe ekipi i tij kanë filmuar përpjekjet e shpëtimit, të një ekipi të banorëve vendas dhe punonjësve të urgjencës që e dinin se ka njerëz nën rrënoja, por të paaftë për të shkuar te ata.
Sikurse duket në video, përtej rrugës, anëtarët e familjes shfaqen të dëshpëruar dhe të përlotur teksa shikojnë përpjekjet që po bëhen për të shpëtuar familjarët e tyre.
“Kishte skena shumë emocionale më herët. Njerëzit këtu janë duke pritur lajmet e të dashurve dhe miqve që ishin brenda kësaj ndërtese herën e fundit që i panë,” thotë Sparks.
“Është një situatë emergjente, punonjësit e urgjencës janë duke punuar”.
Ai shton: “Mendoj se është e drejtë të thuhet se ata vërtet po luftojnë.”
Sky’s @sparkomat is live from Osmaniye, Turkey where he says local authorities are “overwhelmed” as rescuers “are doing the best they can” to find survivors without the help of specialist equipment.
Latest: https://t.co/QxLL6KV5Cc
?Sky 501, Virgin 602, Freeview 233 and YouTube pic.twitter.com/aoVmktnkzA
— Sky News (@SkyNews) February 7, 2023
