Ministria e Brendshme ka publikuar një video të filmuar nga kamerat e vendosura në trupin e efektivëve të policisë, kur i hiqet patenta drejtuesit të një makine që shkeli semaforin. Drejtuesi i mjetit këmbëngul se ka kaluar teksa pulsonte ende ngjyra jeshile në semafor, por polici pasi i ka kontrolluar dokumentet, i ka bërë edhe një test alkooli dhe në fund ka përmbyllur procedurat për heqjen e patentës.
Polici: Koleg, përse na e dhatë targën e zotërisë?
Polici: Zotëria kaloi me semafor të kuq. Akoma ishte ndezur semafori jeshil për këmbësorët, ndërkohë që ky vazhdoi të lëvizte.
Qytetari: Po jeshil ishte, por duhen njerëz më të fortë se këta, s’ma fusin dot këta mua.
Polici: Bëji një procedurë zotërisë për shkelje të semaforit.
Qytetari: Jo or vëlla jo, asnjëherë në botë, as mos u merr me atë punë.
Polici: Merre me qetësi.
Qytetari: Mos u merr me atë punë jam duke të thënë. Ne jena katër vetë këtu, ti do me më heq patentën mu, s’ka shanse. Me rob, s’ka shanse, mos me acaro mua. Jena katër vetë këtu. Mu s’ma fut kush, ok.
Polici: Ju lutem prisni 2 sekonda, të ndezim Driverin, të bëjmë një test alkooli.
Qytetari: Ma mori frymën, ma mori shpirtin, 0.31 për aq është turp.
Polici: Jo s’është turp fare. Do prisni 5 minuta dhe do bëni dhe një test tjetër.
Qytetari: 0.31 në rregull, ik në punën tënde.
Polici: 0.34.
Qytetari: Ç’është kjo.
Polici: U rrit.
Qytetari: Ça u bë.
Polici: Ça u bë. Do marrësh masën që të takon
