Mrekulli është fjala e duhur për të përshkruar ndeshjen e sotme midis Wolfsburg dhe Real Madrid.
Teksa të gjithë prisnin goleadën e radhës së miqve, Wolfsburg ka befasuar duke shënuar dy herë në pjesën e parë me anë të Rodriguez nga pika e bardhë e penalltisë dhe Arnold vetëm tre minuta më vonë.
Gjermanët luajtën pa frikë dhe me një vendosmëri të madhe, teksa Real ishte shumë nervoz pas golave të pësuar duke mos shfrytëzuar rastet e pakta që krijuan.
Tashmë ndeshja e kthimit do të jetë një malore shumë e vështirë për “Los Blancos”.
Ndeshja fillon me një gol të menjëhershëm të Ronaldos por asistenti ka ngritur flamurin për pozicion jashtë loje.
Benzema humb një rast të pastër vetëm për vetëm me portierin, teksa dy minuta më vonë Casemiro shkakton një faull ndaj Schurrle brenda në zonë dhe është
penallti! Rodriguez nuk gabon duke shënuar me shumë qetësi. Vendasit kalojnë në avantazh në minutën e 18të.
Wolfsburg nuk ndalon me aq, dhe arrin të dyfishojë rezultatin në minutën e 25’ me anë të Arnold. Miqtë nuk i besojnë syve.
Real mundohet të reagojë por Wolfsburg mbrohet mjaft mirë dhe kërkon të shfrytëzojë kundërsulmin. Pjesa e parë përfundon dhe Zidane ka për detyrë të zgjojë lojtarët.
Real mundohet të shkurtojë diferencën por Wolfsburg luan kujdesshëm mbrapa. Teksa minutat kalojnë presioni rritet dhe “Merenguesit” nuk po arrijnë të gjejnë hapësira. Rast i pastër për Ronaldon në minutën e 73 por goditja e tij ndalet nga Benaglio.
As futja në lojë e Iscos dhe James Rodriguez nuk sjell asnjë ndryshim teksa miqtë janë tepër të paqartë në sulm. Real duket i dorëzuar teksa Wolfsburg e ka
shumë të lehtë të menaxhojë minutat e mbetura të ndeshjes e cila përfundon me rezultatin 2:0.
[fbvideo link=”https://www.facebook.com/officialfootballgoals/videos/802860863151207/” width=”500″ height=”400″ onlyvideo=”1″]
