Po zhvillohet në këto momente, mesha e të 40-tave në kujtim të Konstantinos Kacifas, në fshatin Bularat të Gjirokastrës.
Deri më tani raportohet se ceremonia ka shkuar e qetë, ndërsa në ceremoni janë të pranishëm me dhjetra shtetas grekë që kanë mbërritur nga Greqia me autobusë.
Ashtu si edhe në varrimin e Kacifas, pjesëmarrësit në ceremoni mbajnë në duar flamuj grekë.
Sipas raportimeve të mëhershme, në kufi janë kthyer rreth 70 shtetas grekë, por kjo shifër nuk është ende e konfirmuar pasi flitet për një numër më të lartë.
Midis personave të kthyer janë edhe gazetarë grekë.
