Një 12 – vjeçare nga Fieri dyshohet të jetë dhunuar seksualisht nga njerku i saj në mënyrë sistematike prej 6 vjetësh, ndërsa e ëma, në dijeni të abuzimit nuk e ka denoncuar asnjëherë të shoqin.
Ilmi Hoxhaj, 52 – vjeç dhe Selvi Yzeiraj, 40 – vjeçe, të cilët banonin në fshatin Mbyet të Fierit janë arrestuar, pas rrëfimit që e mitura ka bërë përpara një psikologu në polici.
Ka qenë daja i vajzës që e ka shoqëruar mbesën për të bërë denoncimin për kunatin dhe motrën e tij.
Në shtëpi me çiftin jetonte dhe e ëma e Ilmi Hoxhës, por ajo mohon në mënyrë kategorike që i biri të ketë përdhunuar vajzën e mitur, që e shoqa e solli me vete 6 vjet më parë, kur dhe filluan të bashkëjetojnë.
E motra e njerkut të dyshuar si abuzues bën përgjegjëse të emën e vajzës, që siç thotë ajo, nuk e çonte të miturën në shkollë, por e mbante pas vetes në lokalet ku punonte si kamariere.
Ekspertiza mjekësore ka konfirmuar se e mitura ishte e defloruar e hershme. Mesnatën e së premtes, kur policia mbërriti në shtëpinë e Ilmi Hoxhës për të ekzekutuar urdhër – arrestin gjeti në banesë dhe 41 kilogramë lëndë narkotike të dyshuar si hashash, ndërsa 20 rrënjë të tjera lulëzonin në oborrin e çiftit në fshatin Mbyet.
Tv Klan
