Shqipëria po merr pjesë ndërkohë në Kampionatin Botëror të MMA ose ndryshe të Arteve Marciale Mikse, që po mbahet aktualisht në Bahrein, ku pjesëmarrës janë 400 sportistë. Por lajmi nuk është thjesht pjesëmarrja e një vendi të vogël si Shqipëria, por ecuria e jashtëzakonshme e dy sportistëve që përfaqësojnë vendin tonë në këtë kompeticion të rëndësishëm global.
Pikërisht pak minuta më parë Florian Doskja që stërvitet në Itali dhe Ermal Hadribeaj kampion në fuqi i Ballkanit për peshën 70 kg dhe që stërvitet në Shqipëri, kanë kaluar në mënyrë spektakolare në turin e dytë të kompeticionit. Hadribeaj garoi në peshën 70 kg dhe fitoi ndaj kundërshtarit finlandez Holappa, kurse Doskja në peshën 61 kg fitoi kundër italianit Celadin. Për më shumë ndiqni duelet e dy shqiptarëve të zhvilluara ditën e sotme.
