Studentët e Drejtësisë janë të ndarë në dy grupe, disa duan të zhvillojnë mësim, ndërsa pjesa më e madhe kanë bojkotuar. Duhet thënë se në këtë fakultet nuk është zhvilluar asnjë orë mësimi që nga Dhjetori 2018 kur nisi protesta studentore. Një grup studentësh qendrojnë të ngujuar brenda ambienteve dhe shprehen se nuk terhiqen pa u plotësuar kërkesat e tyre. Ndërsa grupi i studenteve që duan të bëjnë mësim kishin thirrur sot në takim rektorin e UT-së, Mynyr Koni. Ai u paraqit por pa mundur ti japë nje zgjedhje situatës.
“Në një çast situata është tensionuar mes studentëve të ngujuar që kanë bojkotuar mësimin dhe grupit të studentëve që kërkojnë të zhvillojnë mësim. Debate mes dy grupeve të studentëve për pak degradoi në përplasje fizike. Në këto kushte policia private që ruan godinen ka njoftuar Policinë e Shtetit”, raporton gazetarja e AbcNews. Në përfundim Rektori Koni është larguar nga fakulteti i Drejtësisë pa thënë shpjegim se si do të vijohet më tej./Ri-De
