Më shumë se gjysma e bizneseve gjermane që u përfshinë në një anketë mbi situatën ekonomike në Shqipëri, i japin asaj notë negative.
Në përfundim të sondazhit rezultoi se numri i bizneseve gjermane që e perceptojnë si negative situatën ekonomike në Shqipëri është rritur me 9% më shumë krahasuar me një vit më parë.
Për vlerësimin e Shqipërisë pjesëmarrësit dhanë përgjigje për mbi 20 faktore, të cilët këtë vit janë përkeqësuar pothuajse nga barra tatimore deri tek siguria ligjore, siç tregojnë shigjetat e kuqe në këtë grafik.
Shqipëria në këtë anketë renditet e fundit si destinacion ku gjermanët do të investonin sërish, si dhe e parafundit në rajon për tërheqjen e investimeve.
Dhoma Gjermane e Tregtisë rendit 5 pika si pengesë për investime në Shqipëri.
Rolf CASTRO-VASQUEZ, President i DIHA-s: “ Lufta kundër infomalitetit dhe korrupsioni” transparenca e Tenderave Publike, siguria ligjore, parashikueshmëria e poltikave ekonomike dhe administratës publike, si dhe forcimi i shtetit të së drejtës”.
Për të përmiresuar klimën e biznesit nevojiten persona të qendrueshëm kontakti me Entet shtetërore si dhe të zgjidhet problemi i kontrolleve tatimore.
Rolf CASTRO-VASQUEZ , President i DIHA-s: “Përsa i përket taksave, bizneset gjermane kontollohen 20 herë më shumë në vit sesa bizneset e tjera vendase nga tatimorët”
Sa i përket pritshmërive për situatën ekonomike në të ardhmen, 20% e bizneseve thonë se situata do përkeqësohet, ndërsa 60 % mendojne se situata nuk do të ndryshojë. /Tv Klan
