Këngëtarja Besa Kokëdhima, e cila ishte e ftuar në mbrëmjen e organizuar nga Elvana gjata dhe Valdrin Saliti, e veshur me një fustan të stilisti nga Kosova ka zbuluar për “Gazeta Express” detaje nga projekti më i ri muzikor.
Ajo do të jetë një baladë, me një titull paksa të veçantë, për të cilën Besa zbuloi se do të nisë nesër xhirimet dhe brenda pak ditës video-klipi do të dalë në treg. E pyetur në lidhje me pjesëmarrjen në eventin e sotëm, Besa ka uruar suksese për mikun dhe bashkëpunëtorin e saj më të mirë, Valdrinin. Besda për “Gazeta Express”, ka zbuluar edhe detaje nga pjesëmarrja e saj në jurinë e “The Voice of Albania”.
Ju jeni një nga personazhet e njohur që jeni ftuar nga Elvana Gjata dhe Valdrin Sahiti në mbrëmjen e organizuar sot. Si ndiheni?
Jam shumë e kënaqur, e lumtur dhe krenare për Valdrinin që ka bërë kaq shumë në fushën e modës dhe sot përuron këtë koleksion të ri. I uroj të bëjë sa më shumë koleksione sepse është një nga artistët më të mrekullueshëm që kemi në modë, me fantazi.
Si e pritët ftesën dhe mënyrën që kishte zgjedhur ta bënte Valdrini, duke e personalizuar?
Kur është ftesa e personalizuar ka një përjetim komplet tjetër dhe isha shumë e kënaqur dhe e lumtur që një ndër miqtë dhe bashkëpunëtorët e mi ka arritur këtë sukses.
Kur do ta shikojmë Besën me një video-klip të ri?
Nesër filloj xhirimet e videoklipit të ri. Është hera e parë që po e them dhe në datë 20 nëntor do të publikohet “Kokëfortë”, kënga me këtë titull. Do të rikthehem me një baladë të Flor Mumajesit.
Ju jeni edhe në panelin e jurisë të një prej spektakleve më të suksesshme për zbulimin e talenteve në muzikë siç është ‘ The Voice of Albania”. Si po e prisni?
Ai është ndër të paktët show, ku e kam gjetur veten dhe realisht është shumë kënaqësi që gjithçka që kemi akumuluar ndër vite, duke punuar, duke patur disfata por duke korru edhe suksese, është një nga gjërat e mrekullueshme kur zbulon talente të reja. Sigurisht pastaj tu përcjellësh atyre atë që ti di dhe ti drejtosh që ata të gjejnë rrugën e tyre. Ende nuk kemi dëgjuar, sepse zërat e rinj do ti dëgjojmë në dhjetor dhe në publik do të vijnë në muajin janar. /Gazeta Express/
WhatsApp Video 2016-11-13 at 20.39.46 by gazetaexpress-shqiperi
