Ish-Kryeministri Sali Berisha ka postuar në profilin e tij një video, ku tregohet se si kryeministri Rama ka diferencuar kryeministrin e Kosovës në takimin informal që u realizua në Durrës. Ai bën krahasimet mes takimit të Ramës me kryeministren serbe dhe kryeministrin maqedonas.
Sipas tij, Rama u tregua shumë më i dashur me kryeministrat e Serbisë dhe Maqedonisë sesa me atë të Kosovës, Isa Mustafa.
“Një video që flet vetë! Ja si pret Rama me përqafime dhe plluqe kryeministren e Serbisë, Brnabic dhe atë të Maqedonisë, Zaev, krahasuar me kryeministrin e Kosovës, Isa Mustafa”, shkroi Berisha në një postim në Facebook, të cilin e mbështeste edhe me një video.
