Të rinjtë e Forumit Rinor të PD së bashku me anëtarët e departamentit Brain Gain, kanë surprizuar ish-kryeministrin Sali Berisha, duke shkuar poshtë banesës së tij, pas marrjes së vendimit nga GJKKO për ta lënë atë në arrest shtëpie.
Gjatë fjalës së tij, kryetari i FRPD, Besart Xhaferri, është shprehur se kjo është një ditë e zezë për demokracinë, pasi sipas tij, për arrestimin e Berishës janë shkelur të gjitha rregullat kushtetuese.
Sipas tij çdo qytetar shqiptar duhet të trajtohet njëlloj.
“Në përfundim të mbledhjes së departamentit Brein Game kemi vendosur të vijmë poshtë pallatit të ish kryeministrit Berisha. Sot është një ditë shumë e vështirë për demokracinë, për shtetformimin e Shqipërisë, pasi janë shkelur të gjitha rregullat e Kushtetutës për arrestimin e tij. Çdo qytetar shqiptar duhet të trajtohet njëlloj, por jo më keq se të tjerët”, është shprehur Xhaferri.
